Why Learn English?

 Hum Indians hamesha sochte hain ke “nahi chalo aaj nahi toh kal se shuru karte hain padhna.”

Tenses kiye toh the school mein bhi, par yaad nahi — “revise kar lenge kabhi na kabhi.”

Kisi ko job interview ki tayyari karni ho toh classes ekdum se yaad aa jaati hain: “spoken sikh leta hoon, varna interview mein rejection mil jayega , interviewer kahega apke pass skills toh hai, lekin hamre company ke clients se ap baat cheer kese krenge, kese samjhayenge.”

Kabhi kisi ki promotion English advance level na hone ki wajah se ruk jaati hai!

Ab sawal yeh hai: jab zindagi ke har mod par agar ek insaan aage badh ke kuch sikhna chahta hai toh woh kyun nahi sikhta?

Kya uske dost usse rokte hain? Nahi.

Kya uske maa‑baap rokte hain? Nahi.

Kya uska khud ka mann aur time na hone wala bahana rokta hai? Bilkul.

Jaise gym jaane se mind aur body activate hote hain, waise movie dekhne se sirf listening power strong hoti hai — na ke aapke bolne ki power. Toh agar aap sach mein apni juban se khud bologe (na ki actor ya actress se bulvoge), toh woh aapko sahi maayne mein bolna sikhata hai!

Reading karne se aap vocabulary sikh sakte ho.

Maine kaafi books recommend ki hain — jinmein se storybooks kuch beginner‑level walon ke liye hain. Aur aap newspaper mein The Brills Express ka English wala part definitely padhein. Intermediate ke liye magazines, different genre‑specified books. Aur advanced learners ke liye — newspaper The Tribune / The Hindu is the best, newsletters, etc.

Bore ho gaye? Itni jaldi? (Process hi bataya hai thoda sa jo follow kar sakte ho aap.)

Dekhiye ek line hai jo batana chahungi, may be jisne inspire hona hai woh toh ho hi jayega:

“Tumhe piche khichne wale bahut khade hain, lekin aage dhakka dene wala koi nahi hai. Toh khud ko khud dhakka deke aage badho, duniya dekho. Is bhasha ko rukawat samajhne ki jagah is par kulhadi maar ke rasta kholo.”

Live your dreams. Chase your dreams!